ವಲಸೆ ಬಂದ ಹಕ್ಕಿಗಳು

ನೋಡು ಗೆಳತಿ ಏನಾಗಿದೆ ಈ ನಾಡು.
ಎಲ್ಲಿ ಕಳೆದು ಹೋಯಿತೋ
ನಾವಿಬ್ಬರೂ ಕಟ್ಟಿದ ಕನಸಿನ ಗೂಡು....?

ಕಳೆದ ಹೇಮಂತದಲಿ ಕಂಡ ಸ್ವರ್ಗವದೆಲ್ಲಿ?
ಶಿಶಿರ-ವಸಂತಗಳ ಬೆರಗು ನೋಟಗಳೆಲ್ಲಿ?
ಎತ್ತ ಕಣ್ಣು ಹರಿಸಿದರೂ ಹಸಿರು ದುಪ್ಪಟ ಹೊದಿಕೆ,
ತುಂಬಿ ತುಳುಕುವ ಕೆರೆಯ, ಸುಭೀಕ್ಷ ತಾಣವದೆಲ್ಲಿ?

ರೆಕ್ಕೆಗಳು ನೋಯುತ್ತಿವೆ ಅಲೆದಲೆದು ಸುತ್ತಾ,
ವನಗಳನು ಕಬಳಿಸಿವೆ ಬರಿಯ ಗೋಡೆಗಳು;
ಬತ್ತಿ ಹೋಗಿವೆಯಲ್ಲ ಕೆರೆ-ತೊರೆಗಳೆಲ್ಲಾ!
ಯಾರು ಇರಬಹುದು ಈ ನಿರ್ವನದೊಳೆಲ್ಲ?

ಮರಗಳನು ಬುಡದಿಂದ ಕಿತ್ತು ತಿಂದಿಹರೋ?
ಕೆರೆ-ತೊರೆಯ ಜಲ ಹೀರಿ ತೇಗಿ ಮಲಗಿಹರೋ?